0514扬州网

标题: 郭采洁再发文澄清同小猪关系；周扬青晒照一个符号寸爆恺乐 [打印本页]

作者: 伦的天地 时间: 2020-5-4 17:48
标题: 郭采洁再发文澄清同小猪关系；周扬青晒照一个符号寸爆恺乐
忍足 10 年！郭采洁再发文澄清同小猪关系
台湾舞王罗志祥（小猪）畀前女友周扬青踢爆大镬，就连 N 年前同小猪传过绯闻嘅女星都畀人攞番出嚟讲，好似郭采洁就系其中之一，有网友挖番小猪 10 年前被传有姓病嘅传言出嚟，搞到郭采洁出晒律师信话要告造谣者，呢日佢再次喺社交网发文澄清同小猪之间嘅关系！
[attach]14820[/attach]

郭采洁喺社交网郑重表示：「我本人，自出道以来，除了节目上行程，毫无私交，『根本不认识』，所以法庭见。」喺出律师信嘅时候，佢已经点名 10 位网民，警告佢哋删除侮辱谩骂及影射诋毁嘅留言，否则依法追究，唔少网友都留言支持佢提告呢班造谣者。
[attach]14821[/attach]

张馨月晒半身自拍照网民问峯嫂：肚子呢？
林峯去年除夕在社交网宣布与内地女友张馨月成婚后，屡传峯嫂怀孕消息，但二人既没澄清也没承认。上月有网民晒图，指在日本餐厅巧遇林峯夫妇，更谓手脚依然纤瘦的张馨月腹部微隆，疑似怀有 4、5 个月身孕。
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
[attach]14822[/attach]

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
久未露面的张馨月，今日在社交网贴上戴有口罩身在车厢的的半身自拍照，刚刚好到近肚位置，就是看不到肚子。网民都有留言问：「峯嫂怀孕了吗」？「肚子呢」？
周扬青晒凸照讲近况一个符号寸爆恺乐
周扬青与罗志祥（小猪）9 年情断，周扬青一封分手信搞到小猪身败名裂，报复成功的周扬青自此好少讲自己近况，寻日周扬青喺社交网更新，见佢穿上黑白波点连身裙，再摆了一个诱人 Pose，令佢一双美腿和前凸后凸身材表露无遗，网民都好关心佢心情同近况，留言问佢「最近过得好吗」，周扬青也亲回「不错～」，睇落好简单嘅对话，但佢最后嗰个「～」符号就引起网友热议。
[attach]14823[/attach]

因为恺乐日前发文向周扬青道歉时，都出现「～」符号，有装可爱或是调皮的感觉，当时就有网友闹爆道歉冇诚意，虽然之后恺乐将符号删掉，但网民仍然唔收货，由于时机敏感，也难怪周扬青一个「～」符号会挑起网友神经。
[attach]14824[/attach]

11 岁同李亚鹏拍戏杨幂哨牙旧照曝光
杨幂童星出身，细细个就已经有丰富嘅演出经验，6 岁时演过《武状元苏乞儿》做周星驰个女，当时眼大大好可爱已经好抢眼，去到差唔多 11 岁因为学业繁重就停止参与出，童星生涯最后一部电影系《歌手》，睇番当时嘅片段，面部上半截都系眼大大，但系下半竟然有一棚哨牙！对比番之前同之后嘅相，真系差啲认佢唔出。
[attach]14825[/attach]

1997 年播出街嘅《歌手》，演员有李亚鹏同胡军等，虽然佢哋未算红，但系卡士都唔算弱，而杨幂就饰演李亚鹏嘅表妹，所以都有好多戏份，喺呢套戏入面佢仲有一个好大牺牲位，就系佢棚哨牙其实系假，为咗配合角色成套戏都要戴住牙套上阵，大人遇着呢啲情况都会嗌辛苦，杨幂当时得 11 岁都可以撑得住，真系注定佢食呢行饭。
[attach]14826[/attach]

分手搞到损手烂脚梁云菲内分泌失调跌 6 Kg
金刚上月被台湾「国光女神」梁云菲（Nana）狠撇，金刚自然伤透心，加上梁云菲分手后火速被发现疑似挞着潜水教练，仲漏夜执好嘢离开金刚屋企，分手真系要狠，皆因今日佢就自爆近日情绪反伏，搞到人生第一次贺尔蒙分泌失调，体重仲急跌 6 公斤！
[attach]14827[/attach]

虽然佢嘅回复之中夹杂住一批新嘅半裸靓相，不过佢又忽然指寻晚食完安眠药都瞓唔到，更自爆原来近排因情绪问题致贺尔蒙分泌失调，依家佢要睇齐皮肤科同精神科医生，睇嚟今次分手佢都好伤，真系要好好照顾身体同注意情绪喇！
[attach]14828[/attach]

汪明荃罗家英庆「钢婚」鲜橙画家帽劲减龄
汪明荃同老公罗家英结婚 11 年，真系恩爱都爆，好似之前罗家英由内地返港要在家隔离，汪明荃就以豪华火锅兼预成个二楼行宫畀老公，加埋出动「罗家 Ling」摇铃畀佢，真系 Sweet 到呢～～今年佢哋结婚 11 周年，二人就一于呼朋唤友出街开餐庆祝，仲跟足禁聚令 4 人一枱，再切埋蛋糕影晒合照添！
[attach]14829[/attach]

庆「钢婚」梗系够晒开心，不过似乎网友嘅重点都系一致放喺汪明荃一身鲜橙打扮身上，一向都系潮中之人嘅佢，之前就创出「口罩时尚」，今次佢就转玩减龄画家帽，成个 Look 都 Young 至少 10 年，加埋条娃娃裙，真系见到都嗌声 Kawaii 呢！！
[attach]14830[/attach]

婚后第一个生日庄思敏跟台湾老公视像庆祝
庄思敏于 5 月 1 日 40 岁生日，是她嫁台湾老公杨秉逸（Brian）后的第一个生日，但因为疫情关系，Brain 未能来跟她庆祝。庄思敏在社网交贴上望着跟老公视像的手机，在两个蛋糕面前举 V 字的照片，留言：「生日快乐希望所有人都身体健康」；妹妹庄思明跟男友杨明都有来跟她庆生。
[attach]14831[/attach]

庄思敏今年 3 月中跟 Brain 在港注册结婚，成功在 40 岁前出嫁。受疫情影响，签字仪式在她家中举行，双方父母都未能来港见证；Brain 新婚不久亦已回台湾工作，夫妻每日以电话通讯联系感情。
[attach]14832[/attach]

狂迷扬言枪杀！Lisa@BLACK PINK 遭死亡恐吓
韩国女团 BLACK PINK 的 23 岁泰籍成员 Lisa 近日收到死亡恐吓，一名在社交网以「Maybe550」为用户的狂迷，在网上发文扬言要杀死 Lisa：「当 BLACK PINK 演出回归舞台时，我会枪杀 Lisa，你们（粉丝）可以跟偶像告别了，因为这是你们最后一次见到她那丑样的脸孔。」不少粉丝也十分担心偶像安危，已通知组合所属的 YG 事务所，希望可以加强旗下艺人的安全，至于相关的社交网用户目前已被停用。
[attach]14833[/attach]

欢迎光临 0514扬州网 (http://www.0514.ac.cn/)